Man leevt ja blot eenmool

                                      

De Strom de Tied

Ruhig blieven, de Ström de Tiede

een richtige Richtung geeven.

Hau fe Dsi

Wat blievt uns över, wi möten dor dör. Wenn wi aal an een Strang trecken,
geiht de Düvel an uns vörbi. Seeker is dat nich, aber wi mutten glöven!
Ik siet in Huus un gröbel naa, wat woll in Tökunft passeert.
In Krieg heem de Minsche sovöl dörmaakt, dat sall nie mehr passeern.
Min Mamma leevt nich mehr, un ik fraag mi wat see wall to de Coronavirus to seegen har.
In Kubakrise, heet se Ries un Brot köfft, sük indeckt, dat kenn se van Krieg. wi hem uns ja sülmst versörcht. Opa har Köje und Swien, Höhner un Schapen.
Dat Klo was buten und zeitungspapeer wur torecht sneeden, dat was dat Klopapeer.
Nu is dat ja allens anners, uns geiht dat doch good, de Regale sind full, wenn nich een poor Verückten allens bruken könnt, un dann word dat naher wechsmeeten. Dee dat nödich bruken, kriegen nix mehr.
Ik wünsch jo , blievt gesund un kömmt good dor de Tied.

Elskeline (c)2020

Disse Johrestied is in de Natur so schön, spazeern könnt wi ja!

Elskeline överseet

Dit Johr heeb ik mi vörnomen mehr to schrieven
un nu hebb ik een poor Gedichten van mi un annern överseet,
dormit ok de Hochdütschen dor wat van verstaan.
dat blievt obers min plattdütsche Siet.

Ik was in Veern(Verden) bi Sport un Schau, dat is in Norddütschland  een van de grössten
Sportgalas. Dor reep Yared Dibaba, de dor moderiert hett, to een Aktion up, dat eenmol int Joor enn plattdütsche Maant aflopen sall. In Aurich givt dat all een Tied son Maant.
In den Maant salln völle Veranstaltungen  und Vördräge up Platt afhollen woorn.
Well dorvör ist, dat son Mont, tön Bispöll in September stattfinnen sall, de kann sük bi de Veern Aller Zeitung melden mit een mail und Naom upschrieven bi
platt.kreiszeitung.de dat man de Aktion unnerstützt, ik heeb dat maakt!

dat kann nu Werbung ween  dör Nömensnennung, dormit ji dat weet.
Nu to de Gedichten

Van Fritz Perls

Ik gah min Padd

du geihst din Padd

Ik leev nich in düsse Welt

üm din Vörstellungen to genögen

du leevst nich in düsse Welt

üm minen to entspreeken

Ik bün ik, un du büst du

un wenn wi uns dreppen sulln

is dat wunnerbor.

Ich gehe meinen Weg

und du gehst deinen Weg

ich lebe nicht in dieser Welt

um deinen Erwartungen zu entsprechen

du lebst nicht in dieser Welt

um den meinen zu entsprechen.

Ich bin ich

und du bist du

und wenn wir uns begegnen

ist es wunderschön.

***************************************

van Elske 

Ik hör dat Flüstern van de Blömen

dat Wispern van de Blaaden

dat Ruschen un Aum

tosammen mit min Hartslag

Grönland - Meeden

ich höre das Flüstern der Blüten

das Wispern der Blätter

ein Rauschen und Atmen

syncron mit meinem Herzschlag

Sommerwiesen

Elske

**********************************************

 

Avens waken de Dröms up

holen sük wat van daag överbleeben is

körtgrusen kisend

sprunghaft Gedanken

de nich in uns Koop wohnen willn

De Verstand freet dat Geföhl

un dat Geföhl freet de Verstand.

Elske

Abens erwachen die Träume

holen sich

was vom Tag übrig bleibt

zermalmen zähneknirschend

Gedankenspünge

die ungewollt

unser Gehirn bevölkern

Verstand frisst Gefühle

Gefühle fressen den Verstand.

K.S Elske

 ****************************************************

Ik heeb mi umnömt  disse Sieden bi Google geiht unner Klärchen Marie( Elskeline)

dormit man mi beeter keent .

Nu laat ik leeve Gröten dor vör de plattdütschen Frünnen

Dat is just Fullmoond  ween un dat Weer blievt 14 Daage so gemischt as dat is to Tied

Dat neeje Johr

Dat neeje Johr steiht vör de Dör

un wi gahnt mit grooden Schritten  dorhen und kieken nich torürch. Mool kieken wat  up uns tokommt.

All de Lüd de sük hier verirrt wünsch ik allens Goode,

Elskeline

Dat Leeven givt in twee Deelen, 

de Vergangenheet -  een Dröm

de Tökunft- een Wunsch

een Sprök ut Arabien

Dat Johr

Dat Johr is vull un bold to een!

Een beeten ist better as gornichts!

Dat Johr geiht nu to een. För mi was dat een lebennig Johr mit völ Upregen.

Een Unfall mit Rad, een Virus in April, un dann bün ik noch Stufen van Brügg runnerfalln.

Jümmer harr ik Glück, min Knocken bünt heel bleben.

De blau Flecken gungen na een Tied weer wech.

So is mien Johr nu weesen un ik kiek na vörn.Wiehnachten steiht weer vör de Dör. Alls geiht besinnlicher tö as fröher. Ik heebt nich mehr iilig un de Geschenke bünt  nich mehr so groot as fröher, min Wünsche bünt ok  lüttjede.

Leeve Minschen bünt um mi to,

da t is doch mehr wert as all Geschenke.

                                                              Wi schenken uns Tied,

da t is weer sowiet.

Eegentlich sall dat  övert Johr jümmer so ween.

Wi frein uns , dat teelt un is schön!

All Lüe de mi leest wünsch ik een moje Tiet,

wunnerbor Wiehnachten un een goodet neje Johr 2020

Well weet viellicht bün ik ja faker weer hier! 

Elskeline (Klärchen)

http://binablurei.blogspot.de

Elskeline is noch dor

                       Ik wünsch jo allen een moije Ostertied

Elskeline was in Krankenhus un kunn nich so as see wohl wull.

           Nu word dat beter un ik meld mi bi jo.

Eerst mool enn gode Tied, min Dank is bi jo, 

de hier leest un sük mühe givt, Platt to verstaan.

Ik bün een Ostfrees un mi kann nix ümhaun, so maakt dat man good, bit bold mool wedder!

Plattdeutsche Dichter

                                  Wi wachten up dat Vörjohr, in Februar was he kört dor

 
Rudolf Tarnow (* 25. Februar 1867 in Parchim; † 19. Mai 1933 in Sachsenberg bei Schwerin) war ein niederdeutscher Schriftsteller.
kieken bi Wikipedia, dor givt dat mehr över den plattdütschen Dichter

Sin Book "Buurlävers" van 1916 is mi in Haan komen, un ik heeb dorin leest.
Een Vers ut sin Gedicht "spräkt plattdütsch drifft up de Tied van daage to, dat schriev ik hier nu mool heen.

Wat nich de Lüd all weeten

war sünd se eenmol klauk!

Se dahn sük as Propheten

un räden as een Bauk

un räden hen un räden her

dat plattdütsch nich mehrzünftig wär,

un över Johr un wäken

würd Nüms mehr plattdütsch spräken.

 
Eenige Worden heeb ik verännert in min Platt. Dat Gedicht geiht noch een poor Stropen wieter.
ik heeb nu so doröver nahdacht, wo recht he het.
Ik heeb faststelt, de Kinner lehrt dat nich mehr in Öllernhus,  van de Omas un Opas noch een beeten.
Eegentlich mut man alls dorför dön , dat de Sprak nich utstarvt  mit dat Schrieven.
Bi us in Heimatverein is man up een goden Wech, för dat neederdütsche watt to dön.

Wenn ik hier Rechte verletzt heeb, seegt mi dat. Alls ist ja all över 70 Johr vergahn
.
Nu stell ik noch wat van mi hier in , word ja woll ok wer Tied. Ov datt een finnen deit steiht up een anner Blatt.

De ersten Storkes bünt ankomen

luut mit de Snabels klackernt

maken se sük maarkbaar.

Ok een Bood van dat Vörjohr.

Nu wünsch ik jo wedder een moije Tied  int Vörjohr.