Gesamtzahl der Seitenaufrufe

Mittwoch, 23. Dezember 2020

Nu is Wiehnachten

 Ik wünsch jo een moie und feine Wiehnachten , so good as dat geiht in diesse Tied.

Dat Hart un de Gesundheit bünt dat wichtigste. Doröver sall wi und frein.

Wi mutten ja alls so nehmen as dat kummt. ik heev Geduld un kann wachten bit de Impfung kummt.

, de Helpers und de oll lüe, de sovöl in ehr leeven Arbeit heebt un nu nich an Corona starven salln.

Passt all up un blievt gesund.

Hollt jo stiev un blievt good to enanner..

Alles Goode ok för dat neeje  Johr 2021, dat kann doch eegentlich blot beeter woorn.

Viellicht heeb ik dann ok wedder Möt un Lüst, mehr to schrieven.

Dat besste för jö, Elkeline (Klärchen)

Dienstag, 8. Dezember 2020

Adventtied

 Nu is all wedder sowiet, Adventtied

Ditmool unner ganz anner  Umständ. Sowat  heev wi noit beleevt.

Wi möt uns  all ümstellen. Ik versök dat beest rut to holln. Nix ut de Geschäften.

Grot inköpen dö ik nich. Dorbi mach ik dat so geern, wenn Wienachten wat unnern  Boom liecht.

Min Enkel kommen ja vörbi mit Abstand. Nu sünd see ja groot un hebbt anner Wünschen, obwoll see beschieden bünt.

Ik hebb na fragt , dor bünt see wunschlos tofree. Ik glöv see wünschen sük, dat nu Coronna vör bi geiht

un see sük mit Frünnen dreeben könnt. Well wünsch sük dat nich?

Ik ok -  un wo.  Dat wichtigste is ober doch de Gesundheet un nu bed ik  to Gott, dat hee enn Insehen hett,

viellicht helpt he ja. Inne  Kark geiht dat ja nich. Mi heet mool een Pastor seegt, Kak is överall un man 

kann överall beeden. So is dat.

De Wienachtsmarkt faalt ok, ut un ik drink nu Glühwien to Hus un eet sülmst gebackne kekse dortö. 

Man mutt sük ok mool wat Sötes günnen.

Mi dönt ja all leed, de so düll dorünner lieden , dat nüms kummt.

Wie mutten dor dör int neeje Johr un hoppen dat allns weer better word.

Ik wünsch jö nu ok alles Göde und een moije Wienachten un een gesundet neeje Johr.

Ik holl mi an de Regeln un heeb min Sabbelnäsmaske up. Manch mool find ik dat nich schlecht, 

wenn ik annonym loopen kann. För dat neeje Johr  heeb ik mi nich völ vörnommen, ober in jedem Fall

 wat  mi Spass moogt  un goode Gedanken. Ik hoop  nu ji könnt dat ook.

leeve Gröten vör all de mi hier besöken.

Jö  Elskeline

Dat Geschäft gievt nich mehr, also ok kin Reclame ober dat is so moi schmückt west!

 

Donnerstag, 17. September 2020

Dienstag, 24. März 2020

De Strom de Tied

Ruhig blieven, de Ström de Tiede
een richtige Richtung geeven.
Hau fe Dsi


Wat blievt uns över, wi möten dor dör. Wenn wi aal an een Strang trecken,
geiht de Düvel an uns vörbi. Seeker is dat nich, aber wi mutten glöven!
Ik siet in Huus un gröbel naa, wat woll in Tökunft passeert.
In Krieg heem de Minsche sovöl dörmaakt, dat sall nie mehr passeern.
Min Mamma leevt nich mehr, un ik fraag mi wat see wall to de Coronavirus to seegen har.
In Kubakrise, heet se Ries un Brot köfft, sük indeckt, dat kenn se van Krieg. wi hem uns ja sülmst versörcht. Opa har Köje und Swien, Höhner un Schapen.
Dat Klo was buten und zeitungspapeer wur torecht sneeden, dat was dat Klopapeer.
Nu is dat ja allens anners, uns geiht dat doch good, de Regale sind full, wenn nich een poor Verückten allens bruken könnt, un dann word dat naher wechsmeeten. Dee dat nödich bruken, kriegen nix mehr.
Ik wünsch jo , blievt gesund un kömmt good dor de Tied.

Elskeline (c)2020

Disse Johrestied is in de Natur so schön, spazeern könnt wi ja!






Sonntag, 12. Januar 2020

Elskeline överseet

Dit Johr heeb ik mi vörnomen mehr to schrieven
un nu hebb ik een poor Gedichten van mi un annern överseet,
dormit ok de Hochdütschen dor wat van verstaan.
dat blievt obers min plattdütsche Siet.

Ik was in Veern(Verden) bi Sport un Schau, dat is in Norddütschland  een van de grössten
Sportgalas. Dor reep Yared Dibaba, de dor moderiert hett, to een Aktion up, dat eenmol int Joor enn plattdütsche Maant aflopen sall. In Aurich givt dat all een Tied son Maant.
In den Maant salln völle Veranstaltungen  und Vördräge up Platt afhollen woorn.
Well dorvör ist, dat son Mont, tön Bispöll in September stattfinnen sall, de kann sük bi de Veern Aller Zeitung melden mit een mail und Naom upschrieven bi
platt.kreiszeitung.de dat man de Aktion unnerstützt, ik heeb dat maakt!

dat kann nu Werbung ween  dör Nömensnennung, dormit ji dat weet.
Nu to de Gedichten


Van Fritz Perls

Ik gah min Padd
du geihst din Padd
Ik leev nich in düsse Welt
üm din Vörstellungen to genögen
du leevst nich in düsse Welt
üm minen to entspreeken
Ik bün ik, un du büst du
un wenn wi uns dreppen sulln
is dat wunnerbor.

Ich gehe meinen Weg
und du gehst deinen Weg
ich lebe nicht in dieser Welt
um deinen Erwartungen zu entsprechen
du lebst nicht in dieser Welt
um den meinen zu entsprechen.
Ich bin ich
und du bist du
und wenn wir uns begegnen
ist es wunderschön.

***************************************

van Elske 

Ik hör dat Flüstern van de Blömen
dat Wispern van de Blaaden
dat Ruschen un Aum
tosammen mit min Hartslag

Grönland - Meeden

ich höre das Flüstern der Blüten
das Wispern der Blätter
ein Rauschen und Atmen
syncron mit meinem Herzschlag
Sommerwiesen

Elske

**********************************************

 
Avens waken de Dröms up
holen sük wat van daag överbleeben is
körtgrusen kisend
sprunghaft Gedanken
de nich in uns Koop wohnen willn
De Verstand freet dat Geföhl
un dat Geföhl freet de Verstand.
Elske

Abens erwachen die Träume
holen sich
was vom Tag übrig bleibt
zermalmen zähneknirschend
Gedankenspünge
die ungewollt
unser Gehirn bevölkern
Verstand frisst Gefühle
Gefühle fressen den Verstand.

K.S Elske

 ****************************************************

Ik heeb mi umnömt  disse Sieden bi Google geiht unner Klärchen Marie( Elskeline)
dormit man mi beeter keent .
Nu laat ik leeve Gröten dor vör de plattdütschen Frünnen

Dat is just Fullmoond  ween un dat Weer blievt 14 Daage so gemischt as dat is to Tied




Montag, 30. Dezember 2019

Dat neeje Johr

Dat neeje Johr steiht vör de Dör
un wi gahnt mit grooden Schritten  dorhen und kieken nich torürch. Mool kieken wat  up uns tokommt.
All de Lüd de sük hier verirrt wünsch ik allens Goode,
Elskeline



Dat Leeven givt in twee Deelen, 
de Vergangenheet -  een Dröm
de Tökunft- een Wunsch

een Sprök ut Arabien


Dienstag, 10. Dezember 2019

Dat Johr

Dat Johr is vull un bold to een!

Een beeten ist better as gornichts!
Dat Johr geiht nu to een. För mi was dat een lebennig Johr mit völ Upregen.
Een Unfall mit Rad, een Virus in April, un dann bün ik noch Stufen van Brügg runnerfalln.
Jümmer harr ik Glück, min Knocken bünt heel bleben.
De blau Flecken gungen na een Tied weer wech.
So is mien Johr nu weesen un ik kiek na vörn.Wiehnachten steiht weer vör de Dör. Alls geiht besinnlicher tö as fröher. Ik heebt nich mehr iilig un de Geschenke bünt  nich mehr so groot as fröher, min Wünsche bünt ok  lüttjede.
Leeve Minschen bünt um mi to,
da t is doch mehr wert as all Geschenke.
                                                              Wi schenken uns Tied,
da t is weer sowiet.
Eegentlich sall dat  övert Johr jümmer so ween.
Wi frein uns , dat teelt un is schön!

All Lüe de mi leest wünsch ik een moje Tiet,
wunnerbor Wiehnachten un een goodet neje Johr 2020

Well weet viellicht bün ik ja faker weer hier! 







Elskeline (Klärchen)